राज्य सरकारी कर्मचाऱ्यांच्या माहितीसाठी – “कर्नाटक आरोग्य संजीविनी योजना” संदर्भात स्पष्टीकरण

• कर्नाटक आरोग्य संजीविनी योजना राज्यातील सर्व सरकारी कर्मचाऱ्यांसाठी दिनांक 01-10-2025 पासून लागू करण्यात आली आहे.
• या योजनेअंतर्गत सरकारी कर्मचारी आणि त्यांचे आश्रित कुटुंब सदस्य यांना सुमारे 2000 आजारांसाठी रुग्णालयात कॅशलेस (रोखरहित) उपचार घेण्याची सुविधा दिली आहे.
• पुढील टप्प्यात बाह्यरुग्णांनाही (OPD) उपचार घेण्याची सुविधा उपलब्ध करून देण्यात येणार आहे.
• पती-पत्नी दोघेही सरकारी कर्मचारी असतील, तर फक्त एकाच व्यक्तीला या योजनेअंतर्गत सदस्यत्व देण्यात येईल.
• महिला सरकारी कर्मचाऱ्यांचे आई-वडील सुद्धा या योजनेच्या व्याप्तीत समाविष्ट केले जातील.
• पूर्वी या योजनेतून बाहेर राहण्यासाठी अर्ज करण्याची संधी देण्यात आली होती. तसेच त्यासाठीची अंतिम तारीख 18-10-2025 निश्चित करण्यात आली होती. ज्यांनी अर्ज केला नाही, ते सर्व कर्मचारी या योजनेच्या कक्षेत येतील.
• या योजनेच्या कक्षेत येणाऱ्या सर्व कर्मचारी व त्यांच्या आश्रितांचे कॅशलेस उपचार सुरू करण्यासाठी, संबंधित कार्यालयाच्या DDO (Drawing and Disbursing Officer) मार्फत HRMS सॉफ्टवेअरमध्ये माहिती नोंदवणे आवश्यक आहे.
• ज्यांनी आधीच KASS योजनेतून बाहेर राहण्याची लिखित विनंती दिली आहे, त्यांना भविष्यात या योजनेत पुन्हा सामील होण्याची संधी मिळणार नाही.
• लवकरच वैद्यकीय खर्चाच्या पुनर्भरणाची (Reimbursement) सुविधा रद्द केली जाणार आहे.
• दिनांक 27-08-2024 च्या शासन आदेशानुसार, 7व्या वेतन आयोगाच्या शिफारशींनुसार, वैद्यकीय भत्ता ₹200/- वरून ₹500/- करण्यात आला आहे. परंतु, त्याच आदेशात पुढे स्पष्ट करण्यात आले आहे की –
  “कर्नाटक आरोग्य संजीविनी योजना सुरू झाल्यानंतर, हा वैद्यकीय भत्त्याचा आदेश रद्द मानला जाईल आणि कोणताही सरकारी कर्मचारी वैद्यकीय भत्त्याचा लाभ घेण्यास पात्र राहणार नाही.”
• केंद्रीय सरकारने 03-10-2025 रोजी आपल्या आदेशाद्वारे 13-10-2025 पासून लागू होणारे CGHS दर सुधारित केले आहेत. राज्य सरकार हेच सुधारित CGHS दर KASS योजनेत लागू करण्याच्या प्रक्रियेत आहे. त्यामुळे लवकरच नवीन दर लागू होतील आणि राज्यातील सर्व मान्यताप्राप्त रुग्णालये KASS योजनेत Empanel–MOU (करार) करून सामील होतील.
• राज्य, जिल्हा व तालुका स्तरावर कार्यरत असलेल्या प्रमुख खाजगी रुग्णालयांबरोबर अधिकाऱ्यांनी बैठक घेतली असून, येत्या काळात अधिक प्रतिष्ठित खाजगी रुग्णालयेही या योजनेत सामील होणार आहेत.
• कोणतीही नवी योजना सुरू होताना सुरुवातीला काही गोंधळ होणे स्वाभाविक आहे. तथापि, थोड्याच कालावधीत सर्व प्रक्रिया सुगम व सुरळीत होतील.